مرۆڤ لە ئەدەبیاتی دۆستۆیڤسکیدا

نووسەر: نیکۆلای بێردیاڤ

ژمارەی لاپەڕەکان: ١٢٤ لاپەڕە

ساڵی بڵاوکردنەوە: ٢٠٢٢

ئەم کتێبە سێ بەرهەمی بێردیاڤ لەخۆدەگرێت لەسەر ئەدەبیاتی دۆستۆیڤسکی، کە بریتین لە “ ئاشکراکردنەکان دەربارەی مرۆڤ لە ئەدەبیاتی دۆستۆیڤسکیدا”، وتارەکەی لەسەر کارەکتەری “ستاڤرۆگین” و دواجار لێکۆڵینەوەی لە “ئەفسانەی پشکنەری گەورە” کە درێژکراوەی... کتێبەکەی “دیدگای دۆستۆیڤسکی بۆ جیهان”. لە بەشی یەکەمی کتێبەکەدا باس لە چارەنووسی مرۆڤ و چاکە و خراپە و ئازادی و خۆشەویستی دەکات لە بەرهەمەکانی دۆستۆیۆڤسکیدا. نووسەر هەوڵ دەدات بەسەر ئەو بیرۆکەیەدا سەربکەوێت کە دۆستۆیڤسکی بیرمەندە نەک خوڵقێنەر. دۆستۆیڤسکی، وەک بێردیاڤ جەختی لەسەر دەکاتەوە، حەزی لە سروشت و شوێنەوارە مێژووییەکان نەبووە، بەڵکو حەزی سەرەکی لە مرۆڤ و شێوازی بەسەربردنی ژیانی و بیرکردنەوە و هەستەکانی بووە. وا دادەنرێت کە لە ڕۆمانەکانی دۆستۆیڤسکیدا جگە لە مرۆڤ و پەیوەندی مرۆڤ هیچ شتێک سەرنجی ڕاناکێشێت. پاڵەوانەکانی تەنها سەرقاڵی سەردانی یەکترن و باس لە چارەنووسی دڵتەزێنی هەموو مرۆڤایەتی دەکەن.